" ألا يعلم من خلق ! و هو اللطيف الخبير"

خاطرة أتمنى توصل للى محتاجاها ..

استوقفنى جداً آية " ألا يعلم من خلق و هو اللطيف الخبير"

معرفش ازاى بنعديها كدا .. آية حنونة تربت على القلب فى لحظات الحزن و فى القلق و غيرها من المشاعر و المواقف المختلفة ..

سبحان الله... ربنا اللي خلقنا، عارفنا كويس جدًا... عارفنا من جوا ومن برا، عارف اللي بيظهر مننا واللي مستخبي، إيه اللي بيفرحنا وإيه اللي بيوجعنا، إيه اللي ينفعنا وإيه اللي يضرنا... عارفنا سبحانه 🤍.

و من زاوية أخرى : هونًا على نفسك هوناً

ربنا عارف ضعفنا ، و عارف قدرتنا، و عارف إحنا نقدر على إيه حتى لو إحنا نفسنا مش عارفين. وأي ابتلاء، مهما كان شديد وموجع وقاسي، ربنا سبحانه أعلم بيه وبقدرتنا عليه بإذنه، وأعلم إزاي نعديه بإذنه، وإيه الخي

استوقفنى تدبر لأول آية من سورة الملك: " تبارك الذى بيده المُلك ، و هو على كل شيء قدير"

المُلك بإيد ربنا وحده المُلك بجاهه و سلطانه من أصغر حاجة لأكبر حاجة ربنا المتصرف فى أمور ملكه يجرى الأمور لمشيئته هو ، و هو الذى يُقدر وحده ما يشاء و صاحب السلطة و المُلك و الجاه .. الأمر أمره و لا إله غيره .. و نيجى احنا نحط حواجز وهمية لأمنياتنا ،و نستشعر صعوبات، و نسمع لمخاوف و قلق نسينا أن الله صاحب القدرة تبارك بيده المُلك هو الـ بيزيح الصعب و هو اللى بيسمح بوجود الضُر بإذنه و هو ال بيزيحه و يحوله لخير🤍. ازاى كنا بنعدى عليها بالشكل السطحى السريع دا ، جزا الله خيراً من لفتنى لها .. اللهم إنا نعوذ بك أن نشرك بك شيئاً نعلمه و نستغفرك لما لا نعلمه ..